Listen to this fact sheet spoken in Wik Mungkan
Federal Circuit a’ Family Court of Australia (than Family Courts waa’antan)
Indigenous Family Liason Officers, a’ wiy IFLOs, nintang ma’aathayn iknakan Family Courts. IFLOs ma’kerkantan Courts’angan, an puth than yotan pam a’ wanch ma’aathantan. Than anman yotamantan ma’kerkantan.
An ngeen Courts’an ey?
An Family Courts’an criminal courts system ilantan ya’amang. Inan waa’antan than ke’am ngathantan wiywiyaniy.
An Family Courtsan ma’aathantan kampan yotan minminak umpayn ngul ngulan kaarpan ya’ngulan pul.
- Than nintang ma’aathayn wantingan ngaantam ngeeyayn puk nungkaraman wunayn.
- Than thamp ma’aathayn nintang yipmam ngaantam ngeeyayn ngeen ngeenakan puk many nungkaraman nyiinayn kaath, piip, kemwuut a’ kemwayyow, a’ wiy ma’an pathathantan pam a’ wanch.
- A’ than thamp ma’aathayn nintang a’ ngaantam ngeeyayn wukal a’ awuuchan ngangkang pi’niy.
Ngeen aniy IFLO an yumpantan ey?
- IFLO anpalan wenyiw aknakan thamp Family Courts nungkarang. Than nintang ma’aathayn yipmam ngeeyan ngeenan a’ yumpantan.
- Than nintang ma’aathayn lat thakan yumpan a’ lat yotan ma’pathathan.
- Than nintang ma’aathayn thaa’ pantakan a’ wiywiyan services.
Ngeen IFLO ke’an yumpiy than ey?
IFLOs’an than thaa’pant ya’amang.
- Than ke’ nintang kon aathiythan thaa’ pantakiy.
- Than ke’ nungkar nyiiniy than Family Courts anganiy.
- Than ke’ yumpiythan a’ wiy thonangan yumpiw Family Courts’an ngaantam ngeeyantan.
An ngeen Specialist Indigenous List’an waa’antan ey?
An Family Courts’an than ep’ ngeeyantan Ngep ngamp a’ Pikotang kampanangan special court. Nint thamp thant engkan nungkaraman angan waa’ayn wikan.
Inan wiywiyam lat thonalantaman court ngeeyantan.
- An yimanangan ep’ang.
- An pi’antan special Ngep ngamp inangan ma’an pathathantan services.
- An Moom Pi’an a’ Judicial Registrar alalangan thawiythan pam a’ wanch wiyan ke’ ngoonchayn courtroom anganiy. A’ than thamp nungk wiywiyam thawiythan anganiy ngeeyayn normal courtangan.
Nint kaangk puthamakan wik kath, nint iknakan iyan www.fcfcoa.gov.au/fl/indigenous-list.
Nint thamp thawan kaangk thant Monday a’ aknakaman Fridayak 8:30am a’ 5:00pm akam (AEST). AESTan time pal-yiip Eastern Australia, ke’ Sydney, Melbourne a’ Brisbaneangan.
Thantaman phone number inan 1300 352 000.
A’ thantaman email’inan www.fcfcoa.gov.au/contact-us.
