Listen to this fact sheet spoken in Eastside Kriol
Federal Circuit en Femili Kot langa Australia (Kollim Femili Kot)
Indigenous Femili Liaison Officers, or IFLOs, album yu garrim Femili Kot. IFLOs wek bla jat Kot, bat jey gin album alabat. Jey noma nyarl bla eniwan said.
Wannim dijan Kots?
Jat Femili Kot im noma seim leigi Kriminal Kot system. Im min jey noma arrest or lokimap eniwan.
Jat Femili Kot album femili biximap brablem wen alabat separate or bregimap.
- Jey gin album yu meigim disishin bla weya yu biginini kemp or jidan.
- Jey gin album yu desaid hau long jat biginini garra sidan garra wichwan parent, abija mob gardian, or keya weka.
- En jey album yu desaid bla money en bla yu kemp stuff du.
Wannim dijan IFLO gin duimbat?
- IFLO mob gin gaman langa Femili Kot garra yu. Jey gin album yu sabi wanim hepening.
- Jey gin album yu filimat en maindim bla porten wan papa stuff du.
- Jey gin album yu faindim ligul sebis en ligul mob bla album yu.
Wannim IFLO noma gin duimbat?
IFLO mob im noma Loya.
- Jey noma gin album yu ligulwan wei.
- Jey noma gin della yu stori na judge langa Femili Kot.
- Jey noma gin meigim or tjeinjim Femili Kot disishin.
Wannim Specialist Indigenous List?
Jat Femili Kot gin lijinim la Aboriginal en Torres Strait Islander femili stori langa speshil wan kot. Yu gin asgim detlot bla burremin yu stori.
Dijan lis im diffrin bram normal wan kot.
- Im mo relaxwan.
- Im garrim speshil First Nations sapot sebis.
- Dat Judge or Judicial Registrar gin stab ala public mob bram gamin insaid langa kotrum. En jey toktok diffrin wei noma leigi normal wan kotrum.
Bla faindat mo information, gu na www.fcfcoa.gov.au/fl/indigenous-list
Yu gin toktok garra IFLO Mandei langa Bridei langa 8.30 morning taim raitap na 5.00pm afternoon taim. (AEST). AEST im min Easten Australia leigi Sidni, Melbin, en Brisbin taim.
Detlot fone numba 1300 352 000
En im websait www.fcfcoa.gov.au/contact-us
