Listen to this fact sheet spoken in Yumplatok
Federal Circuit and Family Court of Australia (dempla also kolem Family Courts)
Indigenous Family Liaison Officers, o IFLOs, ken helpe yu wea da Family Courts. IFLO pipol wok po da Courts, bat dempla de po helpe ebriwan. Dempla no teke said.
Wanem da wok blo dem Family Courts?
Dem Family court e no pat blo dem court uda wok wea pipol uda bin meke rong samting. Diswan min dempla no arest o lok ap pipol.
Dem Family Court e help pamle sortemaut problem dempla gad wen man ane oman seperate.
- Dempla ken help disaid wea dem sildren go stap.
- Dem Court ken helpe yu disaid aumas taim dem sildren go stap wea da mada o pada o wea da athe ane aka, o carer.
- Ane dempla ken helpe yu disaid baut mani ane dem propati blo yu.
Wanem dem IFLO pipol e ken mekem?
- Da IFLO ken kam po da Family Court wea yu. Dempla helpe yu po sabe wanem e apen.
- Dempla go helpe yu po pilaut ane sotemaut dem dipren dokument.
- Dempla ken helpe yu po paine legal help ane dem nada pipol uda ken helpe yu.
Wanem dem IFLO pipol e kan mekem?
Dem IFLO pipol e no lawyer.
- Dempla kan gibe legal adbais.
- Dempla kan tok po yu lo da Family Court.
- Dempla kan meik o seinz wanem da Family Court bin disaid.
Wanem Specialist Indigenous List?
Po Aboriginal o Tores Strait Ailan pamle, da Family Courts ken lisen po dempla wea spesil court. Yu ken aske da spesil court po lisen po stori blo yu.
Wen ol go lisen stori blo yu e dispren prom dem normal court.
- Wen ol mekem e mo rilax.
- E go gad spesil First Nations sapot services.
- Da Judge o Judishal Registrar ken bloke da pablik prom kam insaid da courtroom. Wen dempla tok po yu e dipren prom wen judge tok insaid normal court. Dempla mo rilax.
Ip yu wande mo inpomeisan, yu ken go po www.fcfcoa.gov.au/fl/indigenous-list.
Yu ken tok po samwan wea IFLO prom Monday to Friday, bitwin 8.30am tu 5.00pm (AEST). AEST e da taim lo Eastern Australia, wase Sydney, Melbourne ane Brisbane.
Dempla fone namba e 1300 352 000
Website blo dempla e www.fcfcoa.gov.au/contact-us
