Listen to this fact sheet spoken in Pitjantjatjara
Federal Circuit munu Family Court of Australia (ini kutjupa Family Courts)
Indigenous Family Liaison Officer ini kutjupa IFLO alpamilalpai aṉangu tjuṯa Family Court-kutu ankunyangka. IFLO warka tjuṯa court-ku waakaripai palu tjuṯa alpamilalpai pitjanyangka. Tjana panya nguṟurpa ngaṟapai.
Court nyaa nyangatja?
Nyanga Family Court, Criminal Court-pangka tjungu wiya. Family Court-nguṟu witiṟa katira jail-angka tjapartjunkupai wiya.
Family Court-pangka kulilpai mama ngunytju palu pula kutju-kutjuringkunyangka.
- Tjana kulilpai nganala tjitji nyinaku.
- Munu kulilpai yaaltjiṯuṟara mamangku, ngunytjungku, kamingku, tjamungku, carer-angku kanyilku.
- Tjana kulilpai nyaaringkuku mani munu wali, munu kutjupa-kutjupa tjuṯa kutju-kutjuringkunyangka
IFLO warkangku nyaa palyalpai?
- IFLO warka Family Court-kutu nyuntula tjungu pitjaku. Nyuntu utingku kulintjaku alpamilaṟa wangkapai.
- Pipa munu document alpamilaṟa walkatjunkupai.
- Tjana nyuntunya alpamilaku legal-tjara utingku kulintjaku
IFLO warkangku nyaa palyalpai wiya?
IFLO warka lawyer wiya.
- Tjana puṯu legal-tjara puḻka alpamilaṉi palatja lawyer-ku warka.
- Tjana puṯu nyuntumpa aṟangka wangkanyi Family Court-pangka.
- Tjana puṯu Family Court-pangka tjunkunytja tjuṯa kutjupananyi.
Nyaa Specialist Indigenous List?
Family Court-pangka Aboriginal munu Torres Strait Islander tjuṯaku special court kujtupangka kutjupaṟa tjunkupai. Nyuntu tjapila special court nyarangka tjunkuntjaku.
Nyangatja court kutjupa, anangu tjuṯaku kutju.
- Family Court puṟunypa wiya.
- Aṉangu tjuṯaku nyangatja, tjananya alpamilantjaku.
- Judge munu Judicial Registrar-angku nyuntu mukuringkunyangka paini uṟiḻitja tjuṯa courtroom-ngka tjarpantjaku. Munuya purkaṟangku mula-mulangku kulintjaku wangkapai.
Nyuntu kulintjikitja nyanga nyawa www.fcfcoa.gov.au/fl/indigenous-list
IFLO tjuṯa warkaripai Monday-nguru Friday-kutu 8.30am-nguru 5.00pm-kutu (AEST). AEST panya Sydney, Melbourne munu Brisbane-ku taimi.
Tjanampa nampa 1300 352 000
Tjanampa website www.fcfcoa.gov.au/contact-us
